Fjelltrimmen vert meir og meir populær, og tal registreringar i bøkene har auka også i år. I år vart Bjørnesethornet og Keipen lagt til, og ein hadde i alt 12 turmål å velje i. Aktivitetsgruppa hadde også utarbeid eit kart med oversikt over alle turane i område. Totalt kunne ein registrere 302 personar i bøkene, og som til saman hadde gjennomført 1035 turar. Bente Fylken, med sine 69 turar, var den som var mest aktiv i 2005. Ho fekk ein fortent merksemd under basaren til idrettslaget i haust.

Søndag den 26 juni arrangerte aktivitetsgruppa TURSØNDAG 10 Turmål på Folkestadsætra. Ein nytta Blåbu som møtestad før turgåarane gjekk vidare rundt Folkestadvatnet. Her var det høve til å få kaffi, brus til borna og grilling. I tillegg hadde gruppa set opp ein lavo og hadde aktivitetar for borna. Det var om lag 120 personar som skreiv inn i boka denne dagen.